దర్శకధీరుడు ఎస్.ఎస్. రాజమౌళి దర్శకత్వంలో తెరకెక్కుతున్న ప్రతిష్ఠాత్మక చిత్రం 'వారణాసి' క్లైమాక్స్ చిత్రీకరణ భారీ స్థాయిలో కొనసాగుతోంది. తాజా సమాచారం ప్రకారం, ఈ క్లైమాక్స్ కోసం వేలాది మంది జూనియర్ ఆర్టిస్టులతో అత్యంత భారీ యాక్షన్ సన్నివేశాలను చిత్రీకరిస్తున్నారు.
ఈ చిత్రంలో మహేష్ బాబు హీరోగా నటిస్తుండగా, ప్రియాంక చోప్రా జోనాస్ కథానాయికగా కనిపించనున్నారు. ప్రముఖ నటుడు పృథ్వీరాజ్ సుకుమారన్ కీలక ప్రతినాయక పాత్రలో నటిస్తున్నారు. ఈ చిత్రాన్ని కె. ఎల్. నారాయణ శ్రీ దుర్గా ఆర్ట్స్ బ్యానర్పై నిర్మిస్తున్నారు.
రాజమౌళి వెల్లడించిన వివరాల ప్రకారం, సినిమా చిత్రీకరణ పూర్తవడానికి ఇంకా సుమారు 80 రోజుల షూటింగ్ మాత్రమే మిగిలి ఉంది. క్లైమాక్స్లో తెరకెక్కిస్తున్న యుద్ధ ఘట్టం భారతీయ సినీ చరిత్రలోనే అత్యంత భారీ యాక్షన్ ఎపిసోడ్లలో ఒకటిగా నిలుస్తుందని సినీ వర్గాలు చెబుతున్నాయి. ఈ ప్రతిష్ఠాత్మక చిత్రం గురించి మరిన్ని అధికారిక అప్డేట్స్ కోసం అభిమానులు ఆసక్తిగా ఎదురుచూస్తున్నారు.
