అల్లు అర్జున్, అట్లీ కాంబినేషన్‌లో తెరకెక్కుతున్న సైన్స్ ఫిక్షన్ థ్రిల్లర్ ‘రాకా’పై ఆసక్తి రోజురోజుకూ పెరుగుతోంది. ఇటీవల సన్ పిక్చర్స్ విడుదల చేసిన “37” అనే క్రిప్టిక్ ప్రమోషన్ నంబర్ సోషల్ మీడియాలో పెద్ద చర్చకు దారితీసింది. ఈ నంబర్ వెనుక అసలు అర్థం ఏమిటంటూ అభిమానులు రకరకాల లెక్కలు, సిద్ధాంతాలను పంచుకున్నారు. చివరికి 3 × 7 = 21 అనే లెక్కతో ఈ మిస్టరీని అభిమానులే డీకోడ్ చేశారు.
ఈ రోజు సెప్టెంబర్ 21 కావడంతో ఈ నంబర్‌కు దర్శకుడు అట్లీ పుట్టినరోజుతో సంబంధం ఉందని ఫ్యాన్స్ భావిస్తున్నారు. అట్లీ బర్త్‌డే రోజునే “37” ద్వారా 21ని సూచించడం సినిమాపై మరింత హైప్‌ను పెంచింది. దీంతో సోషల్ మీడియాలో ‘రాకా’ పేరు ట్రెండ్ అవుతూ, మేకర్స్ ఇచ్చిన ఈ చిన్న క్లూతో అభిమానుల్లో ఆసక్తి మరింత ఎక్కువైంది.
అల్లు అర్జున్, దీపికా పదుకొణె ప్రధాన పాత్రల్లో నటిస్తున్న ఈ భారీ సైన్స్ ఫిక్షన్ చిత్రంపై ఇప్పటికే భారీ అంచనాలు ఉన్నాయి. అట్లీ దర్శకత్వంలో వస్తున్న ఈ ప్రాజెక్ట్ నుంచి డిసెంబర్‌లో తొలి భారీ గ్లింప్స్ వచ్చే అవకాశం ఉండటంతో అభిమానులు ఆసక్తిగా ఎదురుచూస్తున్నారు. ‘37’ మిస్టరీకి దొరికిన ఈ కొత్త అర్థం సినిమాకు సంబంధించిన తదుపరి అప్‌డేట్స్‌పై క్యూరియాసిటీని మరింత పెంచింది.
