వెంకటేష్, త్రివిక్రమ్ శ్రీనివాస్ కాంబినేషన్‌లో తెరకెక్కుతున్న మోస్ట్ అవైటెడ్ ఫ్యామిలీ ఎంటర్‌టైనర్ ‘ఆదర్శ కుటుంబం హౌస్ నంబర్: 47 – AK47’ విడుదల వాయిదా పడింది. తొలుత అక్టోబర్ 2న ప్రేక్షకుల ముందుకు రావాల్సిన ఈ సినిమా ఇప్పుడు అక్టోబర్ 9, 2026న ప్రపంచవ్యాప్తంగా థియేటర్లలోకి రానుంది. సెప్టెంబర్ 22న మేకర్స్ కొత్త రిలీజ్ డేట్‌ను అధికారికంగా ప్రకటించారు.
వెంకటేష్, త్రివిక్రమ్ తొలిసారి హీరో–దర్శకులుగా కలిసి చేస్తున్న ఈ సినిమాలో శ్రీనిధి శెట్టి హీరోయిన్‌గా నటిస్తున్నారు. మిడిల్ క్లాస్ ఫ్యామిలీ నేపథ్యంలో సాగే కథలో వెంకటేష్ చిట్టిబాబు పాత్రలో కనిపించనున్నారు. ఇప్పటికే విడుదలైన ప్రమోషనల్ కంటెంట్‌లో ఫ్యామిలీ ఎమోషన్స్, కామెడీతో పాటు యాక్షన్ ఎలిమెంట్స్ కూడా కనిపించడంతో సినిమాపై ఆసక్తి పెరిగింది. నారా రోహిత్, నివేదా పేతురాజ్, రావు రమేష్, సత్య, బ్రహ్మాజీ, వెన్నెల కిషోర్ తదితరులు కీలక పాత్రల్లో కనిపించనున్నారు.
సినిమాకు మరింత సమయం అవసరమవడంతో వారం రోజుల పాటు రిలీజ్‌ను వాయిదా వేసినట్లు మేకర్స్ తెలిపారు. ఎస్. రాధాకృష్ణ నిర్మిస్తున్న ఈ చిత్రానికి థమన్ ఎస్ సంగీతం అందిస్తుండగా, రవి కె. చంద్రన్ సినిమాటోగ్రఫీ నిర్వహిస్తున్నారు. కొత్త రిలీజ్ డేట్ ఖరారు కావడంతో ‘ఆదర్శ కుటుంబం – AK47’ అక్టోబర్ 9న థియేటర్లలో ఎలాంటి ఎంటర్‌టైన్‌మెంట్ అందించనుందో చూడాలి.
