ప్రముఖ కన్నడ నటుడు అనంత్ నాగ్‌కు భారతీయ సినీ రంగంలో ప్రతిష్ఠాత్మకమైన దాదాసాహెబ్ ఫాల్కే అవార్డు లభించింది. 2024 సంవత్సరానికి గాను ఈ పురస్కారానికి ఆయనను ఎంపిక చేసినట్లు కేంద్ర ప్రభుత్వం ప్రకటించింది. ఐదు దశాబ్దాలకు పైగా సాగిన ఆయన సినీ ప్రయాణం, భారతీయ సినిమాకు అందించిన సేవలను గుర్తిస్తూ ఈ గౌరవాన్ని అందిస్తున్నారు.
కన్నడ సినిమాతో పాటు పలు భారతీయ భాషల్లోనూ అనంత్ నాగ్ తన నటనతో ప్రత్యేక గుర్తింపు తెచ్చుకున్నారు. 300కు పైగా సినిమాల్లో నటించిన ఆయన సినిమాలతో పాటు టెలివిజన్, రంగస్థలంలోనూ తనదైన ముద్ర వేశారు. ‘అంకుర్’, ‘మాల్గుడి డేస్’ వంటి ప్రాజెక్టులు ఆయన సుదీర్ఘ కెరీర్‌లో ప్రత్యేకంగా నిలిచాయి.
సెప్టెంబర్ 22, 2026న గుజరాత్‌లోని కెవాడియాలో జరగనున్న 72వ జాతీయ చలనచిత్ర అవార్డుల కార్యక్రమంలో అనంత్ నాగ్‌కు దాదాసాహెబ్ ఫాల్కే అవార్డును ప్రదానం చేయనున్నారు. 2025లో పద్మభూషణ్ అందుకున్న ఆయనకు ఈ అవార్డు మరో కీలకమైన గౌరవంగా నిలవనుంది.
