ప్రభాస్ నటిస్తున్న మోస్ట్ అవైటెడ్ మూవీ ‘ఫౌజీ’ మరోసారి వార్తల్లో నిలిచింది. హను రాఘవపూడి దర్శకత్వంలో తెరకెక్కుతున్న ఈ పీరియడ్ యాక్షన్ డ్రామాపై ఇప్పటికే భారీ అంచనాలు ఉన్నాయి. ఇందులో ప్రభాస్ సైనికుడి పాత్రలో కనిపించనున్నట్లు సమాచారం. డిసెంబర్ 3, 2026న విడుదలకు ముందుగా డేట్ లాక్ చేసిన ఈ సినిమాకు ఇప్పుడు రిలీజ్ ప్లాన్‌లో మార్పు ఉండొచ్చనే వార్తలు వినిపిస్తున్నాయి.
‘ఫౌజీ’ ఆ తేదీ నుంచి తప్పుకునే అవకాశం ఉందన్న ప్రచారం నేపథ్యంలో అదే వీకెండ్‌పై ఇతర సినిమాల కన్ను పడింది. నాగచైతన్య నటిస్తున్న ‘వృషకర్మ’ డిసెంబర్ 3 విడుదలను టార్గెట్ చేస్తున్నట్లు తాజా రిపోర్టులు చెబుతున్నాయి. కార్తిక్ వర్మ దండు దర్శకత్వం వహిస్తున్న ఈ మిస్టికల్ అడ్వెంచర్ థ్రిల్లర్‌తో పాటు ‘శ్రీ శ్రీ’ కూడా అదే రిలీజ్ విండోలో వచ్చే అవకాశాలపై చర్చ జరుగుతోంది.
అయితే ‘ఫౌజీ’ టీమ్‌కు అదనపు సమయం దొరికితే సినిమాను మరింత గ్రాండ్‌గా పూర్తి చేసే అవకాశం ఉంటుంది. ప్రభాస్ క్రేజ్‌కు హను రాఘవపూడి టేకింగ్ తోడవడంతో ఈ సినిమాపై అంచనాలు ఇప్పటికే భారీగా ఉన్నాయి. రిలీజ్ డేట్‌లో మార్పు ఎక్కడికి దారితీస్తుందో చూడాలి కానీ.. డిసెంబర్ బరిలో మాత్రం ఈ సినిమాల మధ్య పోటీ ఆసక్తికరంగా మారుతోంది.
