‘మండాడి’ సినిమాపై హీరో సుహాస్ ఎంతో నమ్మకంగా ఉన్నారు. ప్రేక్షకులు పెట్టుకున్న అంచనాలకు సినిమా ఏమాత్రం తగ్గకుండా ఉంటుందని, ముఖ్యంగా తెరపై ఇప్పటివరకు చూడని తరహా విజువల్స్‌ను చూసే అవకాశం ఉంటుందని ఆయన తెలిపారు. సుహాస్ చేసిన ఈ వ్యాఖ్యలతో సినిమాపై ఆసక్తి మరింత పెరిగింది.
ఈ చిత్రంలో సుహాస్‌తో పాటు ప్రముఖ తమిళ నటుడు సూరి ప్రధాన పాత్రలో నటిస్తున్నారు. వీరిద్దరి కాంబినేషన్ సినిమాకు ప్రత్యేక ఆకర్షణగా నిలవనుంది. మహిమా నంబియార్ హీరోయిన్‌గా నటించగా, సీనియర్ నటుడు సత్యరాజ్, రవీంద్ర విజయ్ తదితరులు కీలక పాత్రల్లో కనిపించనున్నారు.
మతిమారన్ పుగళేంది దర్శకత్వం వహిస్తున్న ఈ చిత్రాన్ని ఎల్రెడ్ కుమార్ నిర్మిస్తున్నారు. కథ, నటీనటుల ఎంపికతో పాటు విజువల్స్‌కు కూడా ప్రాధాన్యత ఇచ్చినట్లు తెలుస్తోంది. సుహాస్ చెప్పినట్లుగా ప్రేక్షకులకు కొత్త అనుభూతిని అందించేలా ‘మండాడి’ తెరకెక్కి ఉంటే.. ఈ సినిమా థియేటర్లలో మంచి ఇంపాక్ట్ క్రియేట్ చేసే అవకాశం ఉంది.
