తండేల్ విజయంతో జోష్ మీదున్న నాగచైతన్య ఇప్పుడు పూర్తిగా భిన్నమైన కథతో ప్రేక్షకుల ముందుకు రాబోతున్నారు. ‘వృషకర్మ’ పేరుతో తెరకెక్కుతున్న ఈ సినిమాకు విరూపాక్ష ఫేమ్ కార్తిక్ దండు దర్శకత్వం వహిస్తున్నారు. మిస్టికల్ యాక్షన్ అడ్వెంచర్ థ్రిల్లర్‌గా రూపొందుతున్న ఈ మూవీ చీకటి, మిస్టరీ, సూపర్‌నేచురల్ అంశాలతో ఆసక్తికరమైన ప్రపంచాన్ని చూపించబోతున్నట్లు తెలుస్తోంది.
ఈ సినిమాను బీవీఎస్‌ఎన్ ప్రసాద్, సుకుమార్ రైటింగ్స్ భాగస్వామ్యంతో నిర్మిస్తున్నారు. నాగచైతన్యకు జోడీగా మీనాక్షి చౌదరి హీరోయిన్‌గా నటిస్తుండగా.. సంపత్ రాజ్ కీలక పాత్రలో కనిపించనున్నారు. ఇప్పటికే వచ్చిన ప్రమోషనల్ కంటెంట్ సినిమాపై క్యూరియాసిటీ పెంచుతోంది. మిస్టరీ, థ్రిల్‌తో పాటు ప్రేక్షకులను మరో ప్రపంచంలోకి తీసుకెళ్లే అంశాలు ఇందులో ఉండనున్నాయనే ఆసక్తి నెలకొంది.
ఇక డిసెంబర్ 4, 2026న ‘వృషకర్మ’ ప్రపంచవ్యాప్తంగా థియేటర్లలోకి రానుంది. విరూపాక్షతో థ్రిల్లర్ జోనర్‌లో తన మార్క్ చూపించిన కార్తిక్ దండు.. ఈసారి మరింత భారీ స్కేల్‌లో కథను తెరకెక్కిస్తున్నట్లు కనిపిస్తోంది. తండేల్ తర్వాత నాగచైతన్య చేస్తున్న విభిన్న ప్రయత్నం కావడంతో ‘వృషకర్మ’పై అంచనాలు పెరుగుతున్నాయి.
