తమిళ స్టార్ విజయ్ నటిస్తున్న ప్రతిష్టాత్మక చిత్రం 'జన నాయకన్' విడుదల తేదీపై కొనసాగుతున్న సందేహాలకు ఎట్టకేలకు తెరపడింది. చిత్ర బృందం నుంచి వచ్చిన అధికారిక ప్రకటనతో సోషల్ మీడియాలో జరుగుతున్న ఊహాగానాలకు ఫుల్స్టాప్ పడింది.
సహా నిర్మాత, విజయ్ పర్సనల్ మేనేజర్ (P.S.) జగదీష్ పలనిస్వామి స్పందిస్తూ 'జన నాయకన్' చిత్రం జూలై 23, 2026న ప్రపంచవ్యాప్తంగా విడుదల కానుందని స్పష్టం చేశారు. దీంతో విడుదల తేదీపై నెలకొన్న సందిగ్ధత పూర్తిగా తొలగిపోయింది.
ఈ అధికారిక ప్రకటనతో విజయ్ అభిమానుల్లో ఆనందం వెల్లివిరిసింది. ఇప్పటికే సోషల్ మీడియాలో అభిమానులు ఈ అప్డేట్ను భారీగా షేర్ చేస్తూ సినిమాకు గ్రాండ్ వెల్కమ్ చెప్పేందుకు సిద్ధమవుతున్నారు.
హెచ్. వినోత్ దర్శకత్వంలో తెరకెక్కిన జన నాయకన్ విజయ్ కెరీర్లో అత్యంత ప్రతిష్టాత్మక చిత్రాల్లో ఒకటిగా నిలిచింది. రాజకీయాల్లోకి పూర్తిస్థాయిలో అడుగుపెట్టే ముందు విజయ్ నటిస్తున్న చివరి చిత్రమనే ప్రచారం ఉండటంతో ఈ సినిమాపై భారీ అంచనాలు నెలకొన్నాయి.
ఇప్పుడు అధికారిక క్లారిటీ రావడంతో అభిమానుల దృష్టంతా సినిమా విడుదలపైనే ఉంది. బాక్సాఫీస్ వద్ద జన నాయకన్ ఎలాంటి సంచలనం సృష్టిస్తుందో చూడాలి.
