గ్లోబల్ స్టార్ రామ్ చరణ్, క్రియేటివ్ డైరెక్టర్ సుకుమార్ మరోసారి కలిసి పనిచేయబోతున్నారు. రంగస్థలం వంటి బ్లాక్‌బస్టర్ తర్వాత వీరిద్దరి కాంబినేషన్‌లో వస్తున్న ఈ కొత్త సినిమాపై ఇప్పటికే భారీ ఆసక్తి నెలకొంది. ప్రస్తుతం ఈ ప్రాజెక్ట్‌ను తాత్కాలికంగా RC17గా పిలుస్తున్నారు.
మైత్రీ మూవీ మేకర్స్, సుకుమార్ రైటింగ్స్ సంయుక్తంగా ఈ చిత్రాన్ని నిర్మిస్తున్నాయి. చాలా కాలంగా జరుగుతున్న ప్రీ-ప్రొడక్షన్ పనుల్లో భాగంగా స్క్రిప్ట్‌ను కూడా లాక్ చేసినట్లు సమాచారం. ఇక నటీనటులు, టెక్నికల్ టీమ్‌కు సంబంధించిన తుది నిర్ణయాలు తీసుకునే పనిలో మేకర్స్ ఉన్నట్లు తెలుస్తోంది.
ఈ సినిమా షూటింగ్‌ను డిసెంబర్ నుంచి ప్రారంభించే అవకాశం ఉందని తాజా రిపోర్టులు చెబుతున్నాయి. కథ, ఇతర నటీనటులు, టెక్నికల్ టీమ్‌పై పూర్తి వివరాలు ఇంకా బయటకు రాకపోయినా.. రామ్ చరణ్–సుకుమార్ కాంబినేషన్ కావడంతో అంచనాలు మాత్రం ఇప్పటి నుంచే పెరుగుతున్నాయి. ఈసారి ఈ క్రేజీ కాంబో ఎలాంటి కథతో ప్రేక్షకుల ముందుకు వస్తుందో చూడాలి.
