విజయ్ దేవరకొండ, రష్మిక మందన్న జంటగా నటిస్తున్న మోస్ట్ అవైటెడ్ పీరియాడిక్ యాక్షన్ డ్రామా ‘రనబలి’ ప్రమోషన్స్‌లో కీలక అడుగు పడింది. ఈ సినిమా టీజర్‌ను సెప్టెంబర్ 9న విడుదల చేయనున్నట్లు మేకర్స్ అధికారికంగా ప్రకటించారు. దీంతో విజయ్ అభిమానుల్లోనూ, సినిమా ప్రేమికుల్లోనూ ఆసక్తి మరింత పెరిగింది.
రాహుల్ సాంకృత్యాన్ దర్శకత్వంలో తెరకెక్కుతున్న ఈ సినిమాలో విజయ్ దేవరకొండ ‘రనబలి’ పాత్రలో కనిపించనుండగా.. రష్మిక మందన్న జయమ్మగా నటిస్తున్నారు. 19వ శతాబ్దపు రాయలసీమ నేపథ్యంలో సాగే ఈ పీరియాడిక్ యాక్షన్ డ్రామాలో హాలీవుడ్ నటుడు ఆర్నాల్డ్ వోస్లూ కూడా కీలక పాత్రలో కనిపించనున్నారు.
టీజర్ ద్వారా సినిమా నేపథ్యం, పాత్రల తీరు, యాక్షన్ ప్రపంచంపై మరింత స్పష్టత వచ్చే అవకాశం ఉంది. మైత్రీ మూవీ మేకర్స్ నిర్మిస్తున్న ఈ చిత్రాన్ని 2026 అక్టోబర్ 16న ప్రపంచవ్యాప్తంగా థియేటర్లలో విడుదల చేయనున్నారు. విజయ్-రష్మిక కాంబినేషన్ మరోసారి తెరపైకి వస్తుండటంతో ‘రనబలి’పై అంచనాలు భారీగా ఉన్నాయి.
