స్టార్ హీరోయిన్ రష్మిక మందన్న షూటింగ్ సందర్భంగా గాయపడినట్లు సినీ వర్గాల్లో వార్తలు చక్కర్లు కొడుతున్నాయి. డ్యాన్స్, యాక్షన్ సన్నివేశాల చిత్రీకరణలో పాల్గొంటున్న సమయంలో ఆమె హిప్ భాగానికి తీవ్ర గాయం అయినట్లు తెలుస్తోంది. వైద్య పరీక్షల్లో హిప్ ప్రాంతంలోని టెండన్ పూర్తిగా డిటాచ్ అయినట్లు సమాచారం వెలువడింది.
ఈ గాయం కారణంగా రష్మిక కొంతకాలం షూటింగ్‌లకు దూరంగా ఉండాల్సి వచ్చే అవకాశముందని తెలుస్తోంది. ప్రస్తుతం ఆమె నిపుణులైన వైద్యుల పర్యవేక్షణలో చికిత్స పొందుతున్నట్లు సమాచారం. త్వరగా కోలుకునేందుకు విశ్రాంతితో పాటు ఫిజియోథెరపీ, రీహాబిలిటేషన్ కార్యక్రమాలను కూడా అనుసరించే అవకాశం ఉందని సినీ వర్గాలు చెబుతున్నాయి.
రష్మిక ప్రస్తుతం తెలుగు, హిందీ, తమిళ చిత్రాలతో బిజీగా ఉంది. ఈ పరిస్థితి కారణంగా ఆమె నటిస్తున్న కొన్ని సినిమాల షూటింగ్ షెడ్యూళ్లు మారే అవకాశం ఉందని సమాచారం. అయితే పూర్తిగా కోలుకున్న తర్వాత మళ్లీ అదే ఉత్సాహంతో సెట్స్‌లోకి అడుగుపెట్టాలని ఆమె భావిస్తున్నట్లు తెలుస్తోంది.
ఇదిలా ఉండగా, అభిమానులు రష్మిక త్వరగా కోలుకోవాలని సోషల్ మీడియాలో పోస్టులు చేస్తూ ఆమెకు ధైర్యం చెబుతున్నారు. అయితే ఆమె ఆరోగ్య పరిస్థితిపై ఇప్పటివరకు అధికారిక ప్రకటన వెలువడలేదు. దీంతో పూర్తి వివరాల కోసం అభిమానులు ఆసక్తిగా ఎదురుచూస్తున్నారు.
