కాస్ట్: నాని, మోహన్ బాబు, కాయదు లోహర్, రాఘవ్ జుయల్, సోనాలి కులకర్ణి, సంపూర్ణేష్ బాబు
దర్శకుడు: శ్రీకాంత్ ఓదెల
సంగీతం: అనిరుధ్ రవిచందర్
నిర్మాత: సుధాకర్ చెరుకూరి
ప్రొడక్షన్ హౌస్: ఎస్ ఎల్ వి సినిమాస్
నాని, శ్రీకాంత్ ఓదెల కాంబినేషన్‌లో ‘దసరా’ తర్వాత వచ్చిన చిత్రం ‘ది ప్యారడైజ్’. 1980ల సికింద్రాబాద్ నేపథ్యంలో సాగే ఈ పీరియడ్ యాక్షన్ డ్రామాలో సవారి కమ్యూనిటీ ఎదుర్కొనే అణచివేత, గుర్తింపు కోసం వారి పోరాటాన్ని కథగా చూపించారు. నాని ఇందులో గత చిత్రాలకు పూర్తి భిన్నమైన రా, ఇంటెన్స్ మాస్ అవతార్‌లో కనిపించారు.
కథ
జాదల్ (నాని) జైలు నుంచి తిరిగి తన కమ్యూనిటీకి వస్తాడు. అక్కడి ప్రజలు శికంజా మాలిక్ (మోహన్ బాబు) ఆధిపత్యంలో జీవిస్తుంటారు. తన ప్రజల పరిస్థితిని చూసిన జాదల్.. క్రమంగా వ్యవస్థకు వ్యతిరేకంగా జరిగే పోరాటంలో భాగమవుతాడు. ఫస్ట్ హాఫ్‌లో కథను, పాత్రలను ఆసక్తికరంగా ఎస్టాబ్లిష్ చేసిన దర్శకుడు.. సెకండాఫ్‌లో అదే స్థాయి పట్టు కొనసాగించలేకపోయారు.
ప్లస్ పాయింట్స్
సినిమాకు ప్రధాన బలం నాని పెర్ఫార్మెన్స్. లుక్, బాడీ లాంగ్వేజ్, యాక్షన్ సీక్వెన్స్‌లలో నాని చూపించిన ఇంటెన్సిటీ ఆకట్టుకుంటుంది. ఫస్ట్ హాఫ్‌లోని యాక్షన్ బ్లాక్స్, ఇంటర్వెల్ ఎపిసోడ్ సినిమాకు మంచి హై ఇస్తాయి. అనిరుధ్ పాటలు ఎనర్జీని పెంచగా.. సినిమాటోగ్రఫీ, ప్రొడక్షన్ డిజైన్, పీరియడ్ సెటప్ సినిమాకు గ్రాండ్ లుక్ తీసుకొచ్చాయి.
మైనస్ పాయింట్స్
సినిమాలో ప్రధాన లోపం స్క్రీన్‌ప్లే. ఫస్ట్ హాఫ్‌లో ఆసక్తికరంగా అనిపించిన కథ సెకండాఫ్‌లో వరుస యాక్షన్ ఎపిసోడ్స్‌గా మారిపోతుంది. కొన్ని పాత్రలకు సరైన ఎమోషనల్ డెప్త్ లేకపోవడం, సపోర్టింగ్ క్యారెక్టర్లకు తగినంత స్కోప్ లేకపోవడం మైనస్‌గా మారాయి. దాదాపు మూడు గంటల రన్‌టైమ్ కూడా కొన్ని చోట్ల ఎక్కువగా అనిపిస్తుంది. క్లైమాక్స్ కూడా అంచనాలకు తగ్గ స్థాయిలో ఇంపాక్ట్ ఇవ్వలేకపోయింది.
తీర్పు
‘ది ప్యారడైజ్’లో నాని పెర్ఫార్మెన్స్, యాక్షన్ ఎపిసోడ్స్, విజువల్స్ ఆకట్టుకుంటాయి. అయితే కథను నడిపించాల్సిన స్క్రీన్‌ప్లే సెకండాఫ్‌లో బలహీనపడటంతో సినిమా పూర్తిస్థాయిలో ఇంప్రెస్ చేయలేకపోయింది. భారీ అంచనాలతో వచ్చిన ఈ చిత్రం కొన్ని విభాగాల్లో మెప్పించినా.. ఓవరాల్‌గా మాత్రం యావరేజ్ ఇంపాక్ట్‌తోనే సరిపెట్టుకుంటుంది.
రేటింగ్: 2.5/5
