తెలుగు బుల్లితెరపై యాంకర్‌గా, నటిగా తనకంటూ ప్రత్యేక గుర్తింపు తెచ్చుకున్న ఉదయభాను ఇప్పుడు మరో కొత్త బాధ్యతను చేపట్టారు. ఇప్పటివరకు తెరపై అలరించిన ఆమె.. తొలిసారి నిర్మాతగా మారి ‘పంచనామా’ అనే ఇన్వెస్టిగేటివ్ థ్రిల్లర్ వెబ్ సిరీస్‌ను ప్రేక్షకుల ముందుకు తీసుకొస్తున్నారు. క్రైమ్, మిస్టరీతో పాటు ఎమోషనల్ అంశాలను మేళవించిన ఈ సిరీస్ ఆమె కెరీర్‌లో ప్రత్యేకమైన ప్రయత్నంగా నిలవనుంది.
భరత్ శ్రీనివాసన్ ప్రధాన పాత్రలో నటిస్తున్న ఈ సిరీస్‌లో ఒక ఆసక్తికరమైన దర్యాప్తు చుట్టూ కథ సాగనుంది. ఒక్కో మలుపు మరో రహస్యాన్ని తెరపైకి తీసుకువచ్చే విధంగా కథనాన్ని రూపొందించినట్లు తెలుస్తోంది. మోహన్ శ్రీవత్స దర్శకత్వం వహించిన ఈ క్రైమ్ థ్రిల్లర్‌లో ఉదయభాను తన నిర్మాణ సంస్థ ద్వారా కీలకంగా భాగమయ్యారు.
సెప్టెంబర్ 11, 2026 నుంచి ZEE5లో ‘పంచనామా’ స్ట్రీమింగ్ కానుంది. ఇన్వెస్టిగేషన్, సస్పెన్స్, ఎమోషన్ కలగలిసిన కథ కావడంతో ఈ సిరీస్‌పై ఆసక్తి పెరుగుతోంది. నిర్మాతగా ఉదయభాను తొలి అడుగు కావడం కూడా ‘పంచనామా’కు ప్రత్యేక ఆకర్షణగా మారింది. ఈ కొత్త ప్రయాణంలో ఆమె ఎలాంటి విజయాన్ని అందుకుంటారో చూడాలి.
