జపాన్ వేదికగా జరగనున్న 2026 ఏషియన్ గేమ్స్లో క్రికెట్ పోటీలు ఈ నెలలోనే ప్రారంభం కానున్నాయి. పురుషుల విభాగంలో భారత్ నేరుగా క్వార్టర్ ఫైనల్‌కు అర్హత సాధించింది. సెప్టెంబర్ 28న టీమిండియా తన తొలి మ్యాచ్ ఆడనుండగా.. ఈసారి కూడా గోల్డ్ మెడల్ సాధించడమే లక్ష్యంగా బరిలోకి దిగుతోంది.
క్వార్టర్ ఫైనల్లో భారత్ గ్రూప్-ఏలో రెండో స్థానంలో నిలిచే జట్టుతో తలపడనుంది. ఆ ప్రత్యర్థి ఎవరో లీగ్ దశ మ్యాచ్‌లు పూర్తయిన తర్వాతే తేలనుంది. ఆసియా దేశాల మధ్య జరిగే ఈ పోటీలో ఆరంభం నుంచే ఆధిపత్యం ప్రదర్శించి సెమీస్‌కు చేరాలని టీమిండియా భావిస్తోంది.
గత ఏషియన్ గేమ్స్లో పురుషుల క్రికెట్‌లో భారత్ స్వర్ణ పతకం సాధించింది. ఈసారి కూడా ఆ విజయాన్ని కొనసాగించాలనే పట్టుదలతో జట్టు సిద్ధమవుతోంది. అక్టోబర్ 1న సెమీఫైనల్స్, అక్టోబర్ 3న ఫైనల్ జరగనున్న నేపథ్యంలో.. భారత జట్టు మరోసారి గోల్డ్ మెడల్‌ను సొంతం చేసుకుంటుందా అన్న ఆసక్తి అభిమానుల్లో పెరుగుతోంది.
