భారత గ్రాండ్‌మాస్టర్ ఆర్. ప్రజ్ఞానంద ప్రపంచ చెస్‌లో మరో అరుదైన ఘనత సాధించారు. ప్రతిష్ఠాత్మక గ్రాండ్ చెస్ టూర్ టైటిల్‌ను గెలుచుకున్న తొలి భారతీయుడిగా చరిత్ర సృష్టించారు. సెయింట్ లూయిస్‌లో జరిగిన ఫైనల్లో అమెరికా గ్రాండ్‌మాస్టర్ ఫాబియానో కరువానాను 15–13 స్కోరుతో ఓడించి ప్రజ్ఞానంద టైటిల్‌ను కైవసం చేసుకున్నారు.
ఫైనల్ ఆరంభంలో ప్రజ్ఞానందకు పరిస్థితులు అనుకూలంగా లేవు. కరువానా ఆరు పాయింట్ల ఆధిక్యంలోకి వెళ్లడంతో భారత ఆటగాడికి సవాల్ మరింత పెరిగింది. అయితే ర్యాపిడ్ విభాగంలో వరుసగా రెండు విజయాలు సాధించి ప్రజ్ఞానంద అద్భుతంగా పుంజుకున్నారు. అనంతరం బ్లిట్జ్ గేమ్స్‌లో ఆధిక్యాన్ని కాపాడుకుంటూ మ్యాచ్‌ను తన ఖాతాలో వేసుకున్నారు.
ఈ విజయంతో ప్రజ్ఞానందకు గ్రాండ్ చెస్ టూర్ ఫైనల్స్ టైటిల్‌తో పాటు 2 లక్షల అమెరికన్ డాలర్ల ప్రైజ్ మనీ లభించింది. 2026లో ఇప్పటికే నార్వే చెస్ టైటిల్‌ను గెలుచుకున్న ఆయనకు ఈ విజయం మరో కీలక మైలురాయిగా నిలిచింది. భారత చెస్‌కు ప్రపంచ వేదికపై మరింత గుర్తింపు తీసుకొచ్చిన ప్రజ్ఞానంద ప్రదర్శన యువ ఆటగాళ్లకు స్ఫూర్తిగా నిలుస్తోంది.
